خانهافغانستانبلخ کې ترافیکي پېښې د څلورو کسانو ژوند واخیست

بلخ کې ترافیکي پېښې د څلورو کسانو ژوند واخیست

په بلخ کې د ا.ا د امنیتي قوماندانۍ مسوولین وايي، چې په دې ولایت کې د ترافیکي پېښه له امله څلور کسان مړه شوي او یو کس ټپي دی.

په بلخ ولایت د ا.ا د امنیتي قوماندانۍ ویاند محمد عیسی وثیق نن(پنجشنبه، د فبروري ۵مه) وویل، چې دا پېښه تېره شپه چهارشنبه د حیرتان- مزار شریف په لاره کې رامنځته شوه.

هغه زیاته کړه چې په دې پېښه کې یوه کرولا او یو ټراکټور ټکر شوی او ټول قربانیان په کرولا کې سپاره وو.

د بلخ ولایت د ا.ا د امنیتي قوماندانۍ ویاند د پېښې لامل نه دی په ګوته کړی.

له تېرو نږدې څلورو کلونو راهیسې په هېواد کې ترافیکي پېښې په بې‌سارې توګه زیاتې شوې چې ستر لاملونه یې د چلوونکو بې‌احتیاطي، خراب سړکونه، ګړندی تګ او د ترافیکي اصولو نه‌مراعاتول بلل کېږي. 

بلخوا د ا.ا مسوولینو بار بار له چلوونکو غوښتي چې د هر ډول سفر پرمهال احتیاط او د مسافرو ژوند ته پام وکړي.

څه موده مخکې د ترانسپورت او ملکي هوایي چلند وزارت مسوولینو ویلي وو چې د ترافیکي پېښو د مخنیوي لپاره یې په لسګونه مسافر وړونکو موټرو کې جي پي اېس الې نصب کړې دي. 

مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه