د بدخشان مسوولینو د یاد ولایت په «کشم» ولسوالۍ کې د ترافیکي پېښې له امله د دریو کسانو د مړینې او دوو نورو له ټپيکېدو خبر ورکړی دی.
د دغه ولایت امنیې قوماندانۍ د خبرپاڼې له مخې چې دا پېښه نن (جمعه، جدې ۲۶مه) د کشم ولسوالۍ په «چهارمغز دره» سیمه کې د پاسو ډوله موټر د چپهکېدو له امل شوې ده.
د مسوولینو په وینا چې د دې پېښې لامل د چلوونکي بېاحتیاطي وه او ټپيان د درملنې په موخه روغتون ته لېږدول شوي دي.
له تېرو څلورو کلونو راهیسې په هېواد کې ترافیکي پېښې په بېسارې توګه زیاتې شوې چې ستر لاملونه یې د چلوونکو بېاحتیاطي، خراب سړکونه، ګړندی تګ او د ترافیکي اصولو نهمراعاتول بلل کېږي.
بلخوا د اسلامي امارت مسوولینو بار بار له چلوونکو غوښتي چې د هر ډول سفر پرمهال احتیاط او د مسافرو ژوند ته پام وکړي.
څه موده مخکې د ترانسپورت او هوایي چلند وزارت د ترافیکي پېښو د مخنیوي په موخه په مسافر وړونکو موټرو کې د جي پي اېس الو د نصب خبر هم ورکړی و.


