خانهافغانستانله ایرانه افغانستان ته د چرګوړو صادرات له «دوغارون» دروازې بیا پيل...

له ایرانه افغانستان ته د چرګوړو صادرات له «دوغارون» دروازې بیا پيل شوي

له پاکستان سره د سوداګریزو لارو له تړل‌کېدو وروسته ایراني رسنیو راپور ورکړی چې د «دوغارون» سرحدي دروازې له لارې افغانستان ته د یو ورځنیو غوښینو چرګوړو صادرات بیا پيل شوي دي.

په راپورونو کې د ایران تایباد ولسوالۍ مسوولینو په حواله ویل شوي چې د رسمي جواز له مخې د ۱۱ لاریو په وسیله له ۲۵۰ زره تر ۳۰۰ زره پورې يو ورځني چرګوړي افغانستان ته صادر شوي دي.

ویل کېږي چې له ایران څخه دا وارد شوي چرګوړي د غوښې لپاره کارول کېږي چې له پاکستان سره د لارو تر تړل‌کېدو وروسته یو ښه بدیل ګڼل کېدای شي.

دا په داسې حال کې ده چې له پاکستان سره د سوداګریزو لارو تر تړل‌کېدو وروسته د هېواد په بازارونو کې د چرګانو غوښه کمه شوې وه، خو له ایران څخه د دغو صادراتو په پیلېدو سره به دا ستونزه تر ډېره هواره شي. 

د یادولو ده چې له تېرو شاوخوا دوو میاشتو راپدېخوا تر خونړیو نښتو وروسته له پاکستان سره هر ډول سوداګري په ټپه درېدلې او ټولې سوداګریزې لارې تړل شوې دي.

بلخوا اسلامي امارت ډاډ څرګند کړی چې افغانستان د پاکستان پرځای له نورو ګاونډیو او د سیمې له هېوادونو سره راکړه ورکړه پیل کړې او د صادراتو او وارداتو د لار پراخېدو هڅې روانې دي. 

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه