خانهافغانستانننګرهار او لغمان کې د دوو چکډېمونو د جوړولو چارې پیل شَوې

ننګرهار او لغمان کې د دوو چکډېمونو د جوړولو چارې پیل شَوې

د کرنې، اوبو لګولو او مالدارۍ وزارت خبر ورکړی چې په ننګرهار او لغمان ولایتونو کې د شاوخوا شپږ نیم میلیون افغانیو په لګښت د دوو چکډېمونو د جوړولو چارې پیل شوې دي.

د دغه وزارت په اېکس‌پاڼه لیکل شوي چې د لغمان مرکز، مهترلام ښار اړوند «میدانیو» سیمه کې د نږدې درې میلیون افغانیو په ارزښت یو چکډېم جوړيږي.

د سرچینې په وینا چې همداراز د ننګرهار ولایت د جلال‌اباد ښار نهمه ناحیه، غازي امان‌الله ښارګوټي ترڅنګ ۳٫۵ میلیون افغانیو په لګښت د یو چکډېم د جوړولو کارونه پیل شوي دي.

مسوولینو ویلي چې په ننګرهار کې جوړېدونکی چیکډېم به د ۶۰ زره متر مکعبه اوبو د زېرمه کولو وړتیا ولري.

د یادولو وړ ده چې دا چکډېمونه د کرنې، اوبو لګولو او مالدارۍ وزارت له بودیجې څخه د باراني اوبو زېرمه کولو او د ځمکې لاندې اوبو د سطحې لوړولو په موخه جوړېږي. 

له تېرو څلورو کلونو راهیسې په بېلابېلو ولایتونو کې د باراني اوبو د کنترول او تر ځمکې لاندې اوبو د سطحې لوړولو په موخه لسګونه چکډېمونه او کوچني بندونه جوړ او ګټې‌اخیستنې ته سپارل شوي وو.

بلخوا یو شمېر کارپوهانو د دا ډول بندونو او چکډېمونو جوړولو له وچکالۍ سره د مبارزې په برخه کې مهم بللي دي.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه