خانهافغانستاند پاکستان د تېرې شپې بریدونو کې پنځه تنه وژل شوي

د پاکستان د تېرې شپې بریدونو کې پنځه تنه وژل شوي

ا.ا ویلي، چې تېره شپه د پاکستاني حکومت له لوري، د کندهار پر سپین بولدک د بریدونو په پایله کې پنځه تنه وژل شوي او پنځه نور ټپیان شوي دي.

د ا.ا د ویاند مرستیال حمدالله فطرت نن(شنبه، د لیندۍ ۱۵مه) رسنیو ته په رالېږل شوي انځوریز کلب کې ویلي، چې تېره شپه د پاکستان حکومت لخوا د کندهار پر سپین بولدک بریدونه وکړه، چې وروسته ا.ا هم ځواب ویلو ته اړ شو. د دغه بریدونو په پایله کې پنځه تنه وژل شوي او پنځه نور ټپیان شوي دي.

نوموړي زیاته کړه چې په دغه بریدونو کې د ا.ا ځواکونو یو تن وژل شوی او امنیت په سیمه کې بېرته عادي حالت ته راګرځېدلی.

د سرچینو د معلوماتو له مخې چې دا کسا په «مازل‌ګلۍ» او «لقمان» کلیو کې د پاکستاني عسکرو په بریدونو کې وژل شوي دي. 

د سرچینې په وینا چې په ټپيانو کې ښځې هم شته چې دا مهال په روغتون کې تر درملنې لاندې دي. 

تېره شپه پاکستاني حکومت په سپین‌بولدک کې د عامو افغانانو پر کورونو بریدونه وکړل چې په په غبرګون کې یې د ا.ا ځواکونو هم پر پاکستاني عسکرو د سپکو او درنو وسلو ډزې پیل کړې.

سپین بولدک کې ځینو عیني شاهدانو ویلي چې د ا.ا ځواکونو د پاکستان یو شمېر عسکر ژوندي هم نیولي دي. 

په ورته مهال د ا.ا ویاند، ذبیح الله مجاهد هم تایید کړې چې تېره شپه پاکستاني حکومت د افغانانو پر کورونو بریدونه کړي چې د اسلامي امارت ځواکونه هم غبرګون ته اړ شوي دي. 

که څه هم د افغانستان او پاکستان ترمنځ اوربند دوام لري، خو د اوربند د ټینګښت مودې له پیله تر دې دمه پاکستاني لوري څو ځلې سرغړونې کړې دي. 

مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه