نړیوالو رسنیو راپور ورکړی چې په یوګانډا کې د دوو بسونو د ټکر له امله ۴۶ کسان مړه شوي دي.
د الجزیرې په راپور کې ویل شوي چې دا پېښه د یوګانډا «کیریان دونګو» ښار ته نږدې په «کامپالا – ګولو» لویه لاره شوې ده.
دا پېښه خورا غمجنوونکې بلل شوې ده او په تړاو یې څېړنې پيل شوې دي.
تر اوسه د دې پېښې اصلي لامل نه دی په ډاګه شوی، خو د راپورونو چې ښايي دا ټکر د بسونو د تخنیکي ستونزو په پایله کې شوی وي.
د ویلو ده چې د یوګانډا په دې لاره تر دې مخکې هم څو څو ځلې ورته خونړۍ ترافیکي پېښې شوې او له امله یې لسګونه کسانو ته مرګژوبله اوښتې ده.
له تېرو څو کلونو راهیسې د نړۍ په ډېرو هېوادونو کې د ترافیکي پېښو ګراف په بېسارې توګه لوړ شوی دی.
افغانستان هم یو له هغو هېوادونو دی چې له تېرو څلورو کلونو راهیسې پکې ترافیکي پېښې زیاتې ثبتېږي. دلته د ترافیکي پېښو تر ټولو ستر لاملونه د چلوونکو بېاحتیاطي، خراب سړکونه، ګړندی تګ او د ترافیکي اصولو نهمراعاتول بلل کېږي.


