څو ورځې مخکې د بیارغونې په موخه د سالنګ لویې لارې د تړلکېدو خبر خپور شوی و، خو تازه یوې باوري سرچینې رسنیو ته ویلي چې دا لاره به تر بلې خبرتیا پورې د هر ډول تګ راتګ لپاره پرانیستې وي او هېوادوال پرې ډاډه سفر کولای شي.
سرچینې لیکلي چې د سالنګ لویې لارې بندولو پرېکړه ځنډول شوې او دغه مسیر به تر بلې خبرتیا د باروړونکو او مسافر وړونکو موټرو پر مخ پرانیستې وي.
سرچینې لیکلي چې د سالنګ لویه لار به تر بلې خبرتیا د هر ډول تګ راتګ لپاره پرانیستې وي او اوسمهال پرې هېوادوال له اندېښنې پرته تګ راتګ کولای شي.
څو ورځې مخکې د ټولګټو وزارت اعلان کړی و چې د تلې له ۲۷مې بیا د لړم تر ۶مې به د لسو ورځو لپاره د سالنګ لویه لار «د سالنګ تونل دننه برخې کانکرېټولو او قیر اچولو» د هر ډول تګ راتګ لپاره تړلې وي، او تر رغولو پورې دې هېوادوال له بدیلو لارو استفاده وکړي.
د ویلو ده چې د سالنګ بدیلې لارې، دوشي – بامیان دي چې د ژمي په موسم کې پرې تګ راتګ وخت ناوخت هېوادوال له ستونزو سره مخ کوي.


