خانهافغانستاند پاکستاني او ا.ا پوله‌ساتو ترمنځ د تېرې شپې نښتو ته یو...

د پاکستاني او ا.ا پوله‌ساتو ترمنځ د تېرې شپې نښتو ته یو شمېر هېوادونو غبرګون ښودلی

تېره شپه په یو شمېر ولایتونو کې د فرضي کرښې تر څېرمه د افغان او پاکستاني پوله‌ساتو ترمنځ خونړۍ نښتې وشوې چې له امله یې د پاکستاني لوري یو شمېر پوستې ویجاړې او لسګونه پوله‌ساتي ځواکونه یې ووژل شول. تازه قطر او سعودي عربستان دې نښتو ته غبرګون ښودلی او له دواړو لورو یې د زغم غوښتنه کړې ده.   

د قطر بهرنیو چارو وزارت له افغان او پاکستاني لوري غوښتي چې د خبرو اترو او ډیپلوماسۍ ژبه غوره کړي او د اختلافاتو د مهارولو لپاره کار وکړي.  

د یاد وزارت په اعلامیه کې ویل شوي چې د جګړې پرځای د ډيپلوماسۍ په وسیله د کړکېچ زیاتېدو مخه نیول کېږي او د سیمې امنیت او ټیکاو ساتل کېږي.

په ورته مهال د سعودي عربستان بهرنیو چارو وزارت په یوه اعلامیه کې د ډیورنډ پر کرښه د افغان او پاکستاني پوله‌ساتو ترمنځ نښتې ته اندېښمن ښودلې او ټینګار یې کړی چې مسایل باید د خبرو له لارې حل شي. 

دغه وزارت په اعلامیه کې ویلي چې سعودي عربستان د سولې او ټیکاو د ټینګښت لپاره له ټولو سیمه‌ییزو او نړیوالو هڅو ملاتړ کوي.

خو بلخوا د اسلامي امارت ملي دفاع وزارت ویلي چې تېره شپه د افغانستان اسلامي امارت وسله‌وال ځواک د فرضي کرښې په اوږدو کې د پاکستاني امنیتي ځواکونو په مرکزونو غچ‌اخیستونکي عملیات کړي.

اسلامي امارت ویلي چې دا عملیات د پاکستان د پوځ له لوري په مکرر ډول د افغانستان د حریم د نقضولو او د افغانستان په خاوره د هوایي برید په ځواب کې شوي دي.

یاد وزارت همداراز خبرداری ورکړی چې که مقابل لوری بیا د افغانستان حریم نقض کړي وسله‌وال پوځ له خپل حریم دفاع ته چمتو دی او کلک ځواب به ورکړي.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه