خانهافغانستاند دوکتوار، ماسټري او لېسانس نوې برنامې رامنځته شوې

د دوکتوار، ماسټري او لېسانس نوې برنامې رامنځته شوې

د ا.ا لوړو زده‌کړو وزارت ویلي، چې د دغه وزارت د پریکړې له مخې د دوکتوار، ماسټري او لېسانس نوې برنامې رامنځته شوې.

د لوړو زده‌کړو وزارت نن(دوشنبه، د وږي ۱۷مه) د وزیر ندا. محمد. ندیم په مشرۍ او د مالیې، اقتصاد او پوهنې وزارتونو معین صاحبانو، د مرکزي پوهنتونونو رهبري پلاوي او د خصوصي پوهنتونونو استازو په غړیتوب یوه غونډه ترسره شوه.

خبرپاڼه کې راغلي چې د لوړو زده‌کړو عالي شورا د پرېکړې له مخې، د کابل، ښوونې او روزنې او افغان نړیوال اسلامي پوهنتونونو کې د تطبیقي ریاضي، انجنیري، سافټ‌ویر او مصنوعي ځیرکتیا برخو کې څلور د دوکتورا برنامې جوړې شوې دي.

همدارنګه د کابل، افغان نړیوالل اسلامي، کندهار او جهان خصوصي پوهنتونونو کې د ایکالوژي، انجنیري سافت‌ویر، مصنوعي ځیرکتیا، ترانسپورټېشن انجنیري، د اوبو هراړخیز مدیریت، اداره او تجارت، د جزا او جرم د حقوقو پېژندنې او معلوماتي ټکنالوجۍ برخو کې اته د ماسټرۍ برنامې جوړې شوې دي.

خبرپاڼې کې همداراز راغلي چې ا.ا له واک ته وروسته وروسته چې په کمپیوټر ساینس، انجنیري، طب، کرنې او نور برخو کې په کور دننه د لوړو زده‌کړو پرمختګ او پراختیا په موخه په طبیعي او ټولنیزو علومو کې شاوخوا (۱۰۰) د ماسټري او څه باندې (۳۰) د دوکتورا نوې برنامې رامنځته کړي دي.

دغه وزارت ویلي، هڅه کوي چې د افغان ځوانانو او افغانستان اړتیاوو پوره‌کېدو او ځان بسیاینې لپاره د فوق لېسانس برنامې رامنځته کړي، چې د دغو برنامو پر مخ وړلو لپاره د داخلي استادانو سربېره، په لوړو معاشاتو بهرني استادان هم ګمارل کېږي او دا لړۍ روانه ده.

باید وویل شي چې خبرپاڼه کې ویل شوي چې د هېواد د بېلابېلو پوهنتونونو په پوهنځیو کې (۳۱) نوې څانګې هم رامنځه ته شوي دي.

مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه