د ملګرو ملتونو د امنیت شورا د غړو تر منځ له څلویښتو ورځو بېلابېلو نظرونو وروسته، د غزې په جګړه کې د بشردوستانه اوربند پریکړه لیک د دغې شورا د غړو له خوا په ۱۲ موافقو او ۳ رد رایو سره تصویب شو.
په غزه کې د بشردوستانه اوربند وړاندیز د ملګرو ملتونو د امنیت شورا د غیر دایمي غړي مالت هیواد لخوا وړاندې شو چې د امریکا متحدو ایالتونو یې مخالفت وکړ.
د امنیت شورا درې عمده غړي امریکا، بریتانیا او روسیه په دې پریکړه لیک کې پاتې راغلي دي.
دا پریکړه لیک د غزې په جګړه کې د ودریدو غوښتنه کوي ترڅو په سلګونو زره ملکي خلکو ته مرستې چمتو کړي چې د اسراییل او حماس ترمنځ د سختې جګړې په منځ کې بند پاتې دي.
په دغه پرېکړه ليک کې د دښمنۍ پر ختمېدو د بېړنۍ ټينګار تر څنګ له حماس ډلې غوښتل شوي، چې د نړيوالو قوانينو د درناوي په موخه يرغمل شوي کسان خوشې کړي.
یو بل شی چې په پریکړه لیک کې ټینګار شوی دا دی چې په غزه کې د بشردوستانه اوربند په صورت کې د ملګرو ملتونو عمومي منشي مکلف دی چې د هغې سم تطبیق وڅاري.
خو په ملګرو ملتونو کې د اسراييلو سفير د حماس له خوا د اکټوبر د اوومې نېټې د بريد د يادونې له امله پر دغه پرېکړه ليک نيوکه وکړه او دغه پرېکړه ليک يې بې مانا وباله.
