نړیوالو رسنیو راپور ورکړی، چې یوه ۱۶ کلنه نجلۍ په نوي دهلي کې د خلکو په وړاندې د یوه هلک له خوا په چړو وهل شوې او د هغې د مړینې شېبې د ځایي کیمرې له خوا ثبت شوې دي.
واشنګټن پوسټ نن پنجشنبه د جون لومړۍ نېټه راپور ورکړ چې د هند په پلازمینه نوي ډیلي کې یوې امنیتي کمرې د شپې په نهو بجو د یوې ۱۶ کلنې نجلۍ د مرګ وروستۍ شېبې ثبت کړې چې په ډاګه کوي چې یو سړي چې نیلي جامې یې اغوستي وې لومړی یې ځوانه نجلۍ د خلکو په وړاندې وغورځوله او بیا یې په دوامداره توګه په چړې وهلې تر څو چې هغه ووژل شوه.
د سیمهییزو امنیتي کمرو له خوا ثبت شوې ویډیو ښيي چې وروسته له دې چې دغه ۱۶ کلنه نجلۍ مړه شوه، دغه سړي بیا د هغې پر بې روحه مړي برید وکړ او څو ځلې یې په چړو وهلې او وروسته یې د لرګیو یوه لویه تخته هم پرې غورځولې.
او څو ځله یې په خپل بېجان بدن باندې وغورځاوه.
د واشنګټن پوسټ په وینا، برید له دوو دقیقو لږ دوام وکړ او څو کسانو د پېښې له ځایه د تېرېدو په حال کې پېښه ننداره کړه، بیا له سیمې ووتل، خو یوازې یو کس ورسره د مرستې هوډ کړی و او هڅه یې ناکامه و.
د وژل شوي ځوانې نوم په رسمي ډول نه دی په ډاګه شوی، خو پولیس وايي، نجلۍ له بریدګر سره یې اړیکه درلوده او هڅه یې دا وه، چې له نوموړي څخه جلا شي.
