Thursday Dec 13, 2018

هلمند کې ۱۱ کسان د طالبانو له یوه زندانه ژغورل شوي

نوشته شده توسط khaama - Sat Dec 08 2018, 8:05 am

افغان ځانګړو ځواکونو د هلمند ولایت په سنګین ولسوالی کې څه باندې ۱۱ کسان د طالبانو له یوه زندانه ژغورلي دي.

په جنوب کې د ملي پوځ ۲۱۵ میوند قول اردو په یوه بیان کې ویلي، چې د پوځ ځانګړو ځواکونو وړمه شپه د سنګین ولسوالی په مربوطاتو کې عملیات ترسره کړي، چې په ترڅ کې یې ۱۱ کسان د طالبانو له یوه زندانه ژغورل شوي.

خبرپاڼه زیاتوي، چې د عملیاتو په ترڅ کې یې ځانګړو ځواکونو او ملکي وګړو ته مرګ ژوبله نه ده اوښتې.

په همدې حال کې د پوځ یوه سرچینه وایي، په دې عملیات کې د دولت ضد درې تنه وسله وال وژل شوي دي.

د وسله والو طالبانو په ګډون د دولت ضد وسله والې ډلې تر اوسه په دې اړه څه نه دي ویلي.

هلمند د افغانستان په جنوب کې په تیرو څو کلونو کې له نسبتا نا امنو ولایتونو څخه شمیرل کیده، خو په وروستیو کې یې امنیتي وضعیت ډیر خراب شوی دی.

د هلمند ولای په یو شمېر لرو پرتو سیمو کې اوس هم کله ناکله امنيتي پيښې رامنځته کیږي.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید