Thursday Dec 13, 2018

خلیلزاد د سولې اړوند سفرونو راپور له ولسمشر غني سره شریک کړ

نوشته شده توسط khaama - Thu Dec 06 2018, 9:03 am

د افغانستان د سولې لپاره د امریکا د بهرنیو چارو وزارت ځانګړی استازی زلمی خلیلزاد د افغاستان د سولې اړوند سفرونو راپور له افغان چارواکو سره شریک کړ.

له ارګه په خپره شوې خبرپاڼه کې راغلي، چې ولسمشر محمداشرف غني نن له غرمې مخکې د افغانستان دسولې لپاره د امریکا متحدو ایالتو د بهرنیو چارو وزارت ځانګړي استازي، ډاکټر زلمي خلیلزاد سره وکتل.

خبرپاڼه زیاتوي”په دې کتنه کې چې په ګلخانې ماڼۍ کې وشوه اجرائیه رئیس ډاکټر عبدالله عبدالله هم حضور درلود، ډاکټر خلیلزاد جمهوررئیس ته په افغانستان کې د سولې د هڅو په خاطر د سیمې ځینو هېوادونو ته د خپل سفر په اړه معلومات ورکړل او سیمې ته د خپلو راتلونکو سفرونو په اړه یې هم خبرې وکړې. “

ولسمشر غني د افغانستان د سولې لپاره د امریکا د بهرنیو چارو و زارت ځانګړي استازي هڅې وستایلې او زیاته یې کړه، چې افغان حکومت په جنیوا کنفرانس کې خپل  مذاکره کوونکی ټیم اعلان کړ او په افغانستان کې د سولې د تامین لپاره زمونږ اراده جدي ده.

د ارګ ماڼی له مخې، د هېواد جمهوررئیس زیاته کړه، د سولې ګډې هڅې باعزته او پایداره سولې ته د رسېدو په برخه کې  له موږ سره مرسته کوي.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید