Thursday Dec 13, 2018

په غزني ولایت کې څه باندې ۴۰ پاکستاني طالبان وژل شوي

نوشته شده توسط khaama - Thu Dec 06 2018, 4:15 am

د افغانستان په جنوب ختېځ کې افغان پوځ ادعا کوي، چې د ملي امنیتي او دفاعي ځواکونو په عملیاتو او د بهرنیو قواوو په هوایي بریدونو کې څه باندې ۴۰ پاکستاني طالبان وژل شوي دي.

په جنوب ختېځ کې د ملي پوځ ۲۰۳ تندر قول اردو وایي، افغان امنیتي او دفاعي ځواکونو او په افغانستان کې میشت بهرنیو ځواکونو د غزني ولایت د ناوې، خوګیاڼي او ګیلان ولسوالیو کې عملیات او هوایي بریدونه ترسره کړي، چې په ترڅ کې یې څه باندې ۷۲ وسله وال وژل شوي دي.

خبرپاڼه زیاتوي، چې په دغو عملیاتو کې ۲ تنه وسله وال ټپیان هم شوي او ۱۷ نور د امنیتي ځواکونو له خوا ژوندي نیول شوي.

د ۲۰۳ تندر قول اردو په وینا، په وژل شویو کې څه باندې ۴۰ پاکستاني طالبان هم شامل دي.

په خبرپاڼه کې دا هم راغلي، چې د طالبانو یو ډلمشر جبار هم په دغو عملیاتو کې وژل شوی دی او د دښمن ۱۸ موټرسایکلونه او څه باندې ۴۵ ګاډی لمنځه تللي دي.

د وسله والو طالبانو په ګډون د دولت ضد وسله والې ډلې تر اوسه په دې اړه څه نه دي ویلي.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید