Wednesday Nov 21, 2018

جرمني د کابل له پولیسو سره د ۱۰۰۰ زغره والو واسکټونو مرسته وکړې

نوشته شده توسط khaama - Sat Nov 10 2018, 8:53 am

د کابل امنیتي چارواکي وایي، د المان حکومت د کابل له پولیسو سره د ۱۰۰۰ زغره والو واسکټونو مرسته کړې ده.

د کابل امنیه قومانداني په یوه بیان کې ویلي، چې د المان حکومت د خپلو مرستو په لړ کې د افغانستان له ملي پولیسو سره د ۱۰۰۰ زغره والو واسکټونو مرسته وکړې.

خبرپاڼه زیاتوي، چې دا زغره لرونکي واسکټونه د پنجنشبې په ورځ د یو لړ مراسمو په ترڅ کې ملي پولیسو ته وسپارل شول.

په کابل کې د المان سفیر مرستیال او د المان د پولیسو استازی هم په دغو مراسمو کې ګډون کړی و.

د کابل امنیه قوماندان جنرال سید محمد روشندل له ملي پولیسو سره د زغره والو واسکټونو د مرستې هرکلی وکړ او زیاته یې کړه چې د المان دا مرسته به د کابل د پولیسو د ساتنې لپاره خواره اغېزمنه وي.

جنرال روشندل وایي د ملي پولیسو د عامه امن او نظم او د چټک غبرګون د قطعو سرتېري به له دغو واسکټونو څخه کار واخلي.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید