Monday Nov 19, 2018

په پکتیکا ولایت کې له چاودېدونکو توکو ډک لاری موټر نیول شوی

نوشته شده توسط khaama - Wed Sep 12 2018, 8:29 am

د افغانستان ملي امنیت ریاست وایي د دې ریاست ځانګړي قطعې د پکتیکا ولایت په ارګون ولسوالی کې له چاودېدونکو توکو ډک موټر نیولی دی.

د ملي امنیت ریاست په یوه بیان کې ویلي، چې له یاد هېن موټر څخه چاودېدونکې توکې کشف او ترلاسه شوي.

خبرپانه زیاتوي، چې چاودېدونکې په دغه دغه موټر کې د امونیم نایټریټ مواد په ۶۲ بوجې کې ځای پر ځای شوی و او هغه وخت د ملي امنیت ځواکونو له خوا ونیول شو چې د پاکستان له وانا څخه د غزني په لور روان و.

د وسله والو طالبانو په ګډون د دولت ضد وسله والې ډلې تر اوسه په دې اړه څه نه دي ویلي.

د دولت ضد وسله والې ډلې اکثراً له امونیم نایټریټ څخه د سړک په غاړې په ماینونو کې کار واخلي په داسې حال کې چې افغان چارواکي وایي په دغو بریدونو کې اکثرا عام وګړي وژل کیږي.

په افغانستان کې د ملګرو ملتونو مرستندویه پلاوی یا یوناما وایي چې د ۲۰۱۸ د جنوري له لومړۍ نېټې څخه د جون تر ۳۰ نېټې پورې ۱۶۹۲ تنه ملکي وګړي وژل شوي، چې  د دولت ضد عناصرو له خوا په بریدونو کې ځای پر ځای شوي چاودیدونکو توکو کارونه د ملکي تلفاتو مخکښ لامل ګڼل کېږي.

د یوناما په وینا، د دولت ضد عناصرو له خوا د ځای پر ځای شویو چاودیدونکو فشاري توکو روانې بې توپیره او ناقانونه کارونې ۳۱۴ ملکي تلفات (۱۱۴ مړینې او ۲۰۰ ټپیان)  اړولي، چې زیاتره یې طالبانو ته منسوب شوي.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید