Monday Nov 19, 2018

پېښور ته د افغانانو پر تګ بندیز لګول شوی

نوشته شده توسط khaama - Wed Sep 12 2018, 6:16 am

د راپورونو له مخې، د خیبر پښتونخوا حکومت د دې ولایت په مرکز پېښور ښار ته د افغانانو پر تګ بندیز لګولی دی.

د ځایي رسنیو د راپورونو له مخې، د پېښور امنیه قوماندانی د محرم میاشتې په لومړۍ لسیزه کې پېښور ښار ته د افغانانو پرتګ راتګ بندیز لګولی.

راپورونه زیاتوي، چې د محرم میاشتې په لومړی لسیزه کې د نظم د ساتلو لپاره او د هر ډول تاوتریخوالو د مخنیوي د مخنیوي په هدف یې ځانګړی پلان ترتیب کړی چې له مخې یې د نورو اقداماتو ترڅنګ پېښور ته د افغانانو پر تګ هم بندیز لګول شوی دی.

د یادونې وړ ده، چې اورپکي په محرم مياشت کې ډېر ځله شيعه ګان په نښه کوي، او په پاکستان کې په کې د زورزياتي ګڼ شمېر پېښې کېږي.

په پاکستان کې د محرم الحرام مياشتې په لومړۍ لسيزه مذهبي تاوتريخوالي ته په کتو کلک امنيتي تدابير نيول کېږي، چې له امله يې ورځنى ژوند په ټپه درېږي.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید