Wednesday Dec 12, 2018

د غزني ښار د نښتې په اړه د افغان پوځ د لوی درستیز تازه څرګندونې

نوشته شده توسط khaama - Sun Aug 12 2018, 10:21 am

د افغانستان د ملي پوځ لوی درستیز جنرال شریف یفتلي تائیدوي چې د غزني ولایت په مرکز غزني ښار کې د امنیتي ځواکونو او وسله والو ترمنځ خال خال نښتې لا هم دوام لري.

جنرال یفتلي په کابل کې له خبریالان سره د مرکې پر مهال وویل، چې د دولتي او امنیتي بنسټونو په ګډون د غزني ښار ستراتیژیکې سیمې د امنیتي او دفاعي ځواکونو تر کنټرول لاندې دي.

نوموړی هغه راپورونه رد کړل چې ګواکې د د امنیې قوماندانی په ګډون ځینې دولتي ادارې د وسله والو طالبانو لاس ته لوېدلي.

هغه زیاته کړه، چې د وسله والو د ځپلو په موخه د ملي اردو ځواکونو په ګډون امنیتي او دفاعي ځواکونه په عملیاتو بوخت دي.

د جنرال یفتلي په وینا، وسله وال طالبان د خلکو له کورونو، هټیو، او نورو ملکي ودانیو څخه د موضع په توګه کار اخلي او له همدې امله د امنیتي او دفاعي ځواکونو چاڼیز عملیات له خنډ سره مخ کړي.

جنرال وایي افغان امنیتي او دفاعي ځواکونه د ملکي وګړو د خوندیتوب لپاه د وسله والو په وړاندې په عملیاتو کې له احتیاطه کار اخلي.

د پوځ لوی درستیز وویل ” په غزني ولایت کې امنیتي ځواکونه د طالبانو له برید سره سم لاس په کار شوي او د هغوی پراخ برید یې له ماتې سره مخ کړی دی. مونږ په غزني ولایت کې د ملکي وګړو د مرګ ژوبلې د مخنیوي په موخه ورو پرمختګ کوو.”

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید