Wednesday Dec 12, 2018

فراه کې د طالبانو پر مواضعو د کومانډو او بهرنیو ځواکونو هوايي بریدونه

نوشته شده توسط khaama - Sun Aug 12 2018, 9:04 am

د فراه ولایت په دوو ولسوالیو کې د کومانډو او بهرنیو ځواکونو هوایي بریدونو په ترڅ کې اوه وسله والو ته مرګ ژوبله اوښتې ده.

په لویدیځ کې د ملي اردو ۲۰۷ ظفر قول اردو قوماندانی په یوه بیان کې ویلي چې د پشت رود ولسوالی په ګزګین سیمه کې د بهرنیو ځواکونو هوایي برید په ترڅ کې دوه وسله وال وژل شوي.

سرچینه زیاتوي، چې په دغه هوایي برید کې د وسله والو یوشمېر وسلې هم لمنځه تللي دي.

ظفر قول اردو وایي د بالا بلوک ولسوالی د دیزک سیمې په ختېځ کې یې د کومانډو او بهرنیو ځواکونو په هوایي بریدونو کې ۲ وسله وال وژل شوي او ۳ نور ټپیان دي.

د ظفر قول اردو په وینا، د هوایي بریدونو په ترڅ کې د وسله والو یوه سراچه ډوله موټر هم لمنځه وړل شوی.

فراه د افغانستان په لویدیځ کې په تیرو څو کلونو کې له نسبتا امنو ولایتونو څخه شمیرل کیده، خو په وروستیو کې یې امنیتي وضعیت نسبتا خراب شوی دی.

د فراه  په یو شمېر لرو پرتو سیمو کې اوس هم کله ناکله امنيتي پيښې رامنځته کیږي.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید