Wednesday Nov 14, 2018

په پاکستان کې ځانمرګي برید د بهرنیانیانو په ګډون ۶ کسان ټپیان کړي

نوشته شده توسط khaama - Sat Aug 11 2018, 6:57 am

پاکستاني چارواکي وایي د پاکستان په بلوچستان ایالت کې ځانمرګي برید د بهرنیانو په ګډون ۶ کسان ټپیان کړي.

چارواکي زیاتوي، چې پیښه نن سهار د چاغاي په سیمه کې رامنځته شوې ده.

د پاکستان پوځ یوه چارواکی رسنیو ته ویلي، چې د سرو زرو او مسو د یو معدن پر کارکوونکو د ځانمرګي برید په ترڅ کې شپږ کسان ټپیان شوي.

په کوټه د پولیسو یوه چارواکی محمد هاشم غلزي وایي د برید په ترڅ کې درې بهرنیان هم ټپیان شوي دي.

نوموړی زیاته کړه، چې د پیښې ټپیان روغتون ته لېږدل شوي او د برید په اړه پلټنې دوام لري.

تر اوسه کوم چا یا ډله د برید مسئولیت په غاړه نه دی اخیستی.

شاوخوا درې اوونی مخکې د بلوچستان په کوټه ښار کې د ځانمرګي په ترڅ کې ۳۱ کسان وژل شوي وو.

د کوټې ښار د پولیس مشر محسین بټ رسنیو ته ویلي و، چې یوه ځانمرګي بریدګر د کوټې ښار په ختېځه برخه کې د پولیسو یوه موټر په نښه کړی چې په ترڅ کې شاوخوا ۳۱ کسان وژل شوي او شاوخوا ۲۰ نور ټپیان دي.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید