Thursday Sep 20, 2018

غزني کې د داعشیانو د جلب او جذب مسئول ونیول شو

نوشته شده توسط khaama - Sat Jul 14 2018, 10:02 am

په غزني ولایت کې امنیتي چارواکي وایي د اسلامي دولت نومې ډلې یا د داعشیانو د جلب او جذب مسئول د امنیتي ځواکونو له خوا نیول شوی دی.

د غزني ولایت امنیه قوماندان فرید احمد مشعل له خبریالانو سره د مرکې پر مهال وویل چې د داعش ډلې د جلب او جذب مسئول ملا ادریس مشهور په ابوذر تېره ورځ د امنیتي ځواکونو له خوا ونیول شو.

ښاغلي مشعل زیاته کړه، چې نیول شوی کس په خپل جرم اعتراف کړی او امنیتي ځواکونو ته ویلي چې په ځینو ولایتونو کې یې د داعش ډلې لپاره د جلب او جذب دنده ترسره کوله.

د دولت ضد وسله والې ډلې تر اوسه په دې اړه څه نه دي ویلي.

په همدې حال کې ښاغلي مشعل وایي په تېرو ۴۸ ساعتونو کې د هوایي او ځمیکنو عملیاتو په ترڅ کې لږ تر لږه ۴۹  وسله وال وژل شوي او ۲۱ نور ټپیان دي.

نوموړی زیاته کړه، چې په وژل شویو کې د طالبانو مشهور قوماندان نواب احمد حقاني هم شامل دی او د طالبانو یو بل جګپوړي قوماندان ملا حمزه د عملیاتو په ترڅ کې ټپي شوی دی.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید