Tuesday Nov 13, 2018

لښکرګاه ښار کې د پولیسو پر یوه پوسته ځانمرګي موټر بم برید شوی

نوشته شده توسط khaama - Sat Jul 14 2018, 9:24 am

د هلمند ولایت مرکز لښکرګاه ښار کې د پولیسو پر یوه پوسته ځانمرګي موټر بم برید شوی.

امنیتي سرچینې وایي پیښه د لښکرګاه ښار د لسمې امنیتي حوزې په مربوطاتو کې رامنځته شوې او په ترڅ کې یو شمېر کسانو ته مرګ ژوبله هم اوښتې ده.

د هلمند والي ویاند عمر ځواک تائید کړه چې د لښکرګاه په مربوطاتو کې چاودنې رامنځته شوې ده.

نوموړی زیاته کړه، چې د چاودنې په ترڅ کې د ملي پولیسو ۱۱ سرتېري ټپیان شوي او یو بل سرتېری خپل ژوند له لاسه ورکړی.

تر اوسه کوم چا یا ډله د برید مسئولیت په غاړه نه دی اخیستی.

هلمند د افغانستان په جنوب کې په تیرو څو کلونو کې له نسبتا ناامنو ولایتونو څخه شمیرل کیده، خو په وروستیو کې یې امنیتي وضعیت ډیر خراب شوی دی.

دا په داسې حال کې ده چې امریکایي ځواکونو پرون ماسپښین د موسی کلا ولسوالی په مربوطاتو کې د طالبانو پر یوه غونډه د امریکایي ځواکونو د هوایي برید په ترڅ کې لږ تر لږه ۱۳ وسله والو ته مرګ ژوبله اښتې وه.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید